VasteloavesKink



Kouplet 1
’t kink hat get verloare
't klone-neëske kwiet
’t grient mit dieke troane
en truës is noe wied
grieën noe mar neet mieë
en bis óch neet bang
alles kump good
mit ee mülke van de mam

Refrein
Mit of oane neëske
dat mak toch gaar nieks oet
kiek ins in die gleëske
en drink doa mar ins
noe en dan ee sjlüksjke
da bliet óch lang get drin
’ne kloon bliet ’ne kloon
deë zit va binne in.

Kouplet 2
En bis te later groeëter
geet óch neet alles good
en zint probleme groeëter
verlees dan neet d’r mood
dink dan mar an vreuger
haot dich sjtief en sjtram
dink an ’t wónger
an dat mülke van de mam

Kouplet 3
Óch eemoal in d’r hieëmel
bis dich die neëske kwiet
doe dinks mit inne grieëmel
an diene kingertied
wits dan wal beëter
ging troan mieë óp dieng wang
doa is ’ne ingel
en deë ingel is de mam